Gemini 8

Gemini 8
	A cápsula Gemini 8 en exhibición no Museo do Aire e do Espazo en Wapakoneta, Ohio.
Tipo	Tripulado
Organización	NASA
Destino actual	Reentrado na atmosfera.
Data de lanzamento	16 de marzo de 1966, 16:41:02,389 UTC
Foguete portador	Titan II GLV
Sitio de lanzamento	Centro Espacial de Cabo Cañaveral, rampla LC-19
Duración da misión	0,45 días (10 horas, 41 minutos e 26 segundos)
Obxectivo da misión	Experimentos e prácticas de manobras con nave tripulada.
Decaemento	17 de marzo de 1966
NSSDC ID	1966-020A
Masa	3789,0 kg
	v; c; e;

Gemini 8 foi a sexta misión tripulada do programa Gemini. A tripulación estaba formada por Neil A. Armstrong e David R. Scott, sendo a tripulación de apoio Charles Conrad e Richard F. Gordon.^[2]^[6]

Desenvolvemento da misión

Gemini 8 foi a sexta misión tripulada do programa Gemini. Os obxectivos da misión foron facer prácticas de cita espacial e acoplamentos coa nave non tripulada GATV 8, lanzada previamente, e facer prácticas de paseo espacial. Como obxectivos secundarios, a misión incluía situar o GATV 8 nunha órbita circular de 410 km de altura, avaliar os sistemas da nave e demostrar unha reentrada atmosférica controlada. Gemini 8 tamén levaba a bordo dez experimentos relacionados coa tecnoloxía, a medicina e outras areas científicas.^[2]^[6]

Gemini 8 foi lanzada o 16 de marzo de 1966 ás 16:41:02,389 UTC (10:41:02 EST) desde o Complexo 19 de Cabo Cañaveral e insertada nunha órbita inicial de 159,9 km de perixeo e 271,9 km de apoxeo. Durante as seis horas seguintes manobrou para atoparse co GATV 8, lanzado unhas horas antes. A fase de cita espacial concluíu ás 16:39 EST, coas naves estacionadas a unha distancia de 45 metros a unha da outra. Media hora máis tarde a Gemini 8 acercouse para acoplarse co GATV, ás 17:14, durante a quinta órbita, converténdose no primeiro acoplamento que tivo lugar no espazo.^[2]^[6]

Uns 27 minutos despois do acoplamento, o conxunto comezou a xirar de maneira incontrolada. Armstrong desacoplou a cápsula do GATV, empeorando o xiro e facéndoo máis rápido, chegando e posiblemente superando unha velocidade de rotación dunha volta por segundo, corréndose o risco de que os astronautas quedaran inconscientes. Os astronautas desactivaron o sistema de control de actitude (OAMS polas súas siglas en inglés) da cápsula, usando os 16 propulsores do sistema de control de reentrada (RCS) para eliminar o xiro. A manobra tivo éxito, quedando a nave estabilizada ás 18:06:30 á custa de ter usado o 75% do propelente do RCS. Unha análise do problema do xiro atopou que a causa estivera no propulsor número 8 do OAMS, que quedou encendido debido a un curtocircuíto durante as manobras co GATV acoplado.^[2]^[6]

O control de terra programou un regreso inmediato da cápsula en virtude das normas de seguridade, ó terse consumido a maior parte do propelente do RCS. O resto de actividades da misión foron canceladas. Os retrofoguetes foron encendidos na sétima órbita, ás 21:45:49 EST e tan só 10 horas tras o lanzamento. A cápsula amarou ás 22:22:28 EST (aínda que na zona de amaraxe era de día) sen problemas no océano Pacífico occidental, a 800 km ó oeste de Okinawa, a 25,22° N e 136,00° E, a 2 km do punto calculado de amaraxe. O tempo total de misión foi de 10 horas, 41 minutos e 26 segundos. A tripulación foi recollida polo U.S.S. Mason ás 1:28 EST do 17 de marzo e cápsula ás 1:37.^[2]^[6]

Notas

↑ ^1,0 ^1,1 ^1,2 N2YO (2011). Real Time Satellite Tracking, ed. "Gemini 8" (en inglés). Consultado o 2 de marzo de 2013.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 NASA (14 de maio de 2012). "Gemini 8" (en inglés). Consultado o 2 de marzo de 2013.
↑ "Letter dated 17 June 1966 from the Permanent Representative of the United States of America addressed to the Secretary-General" (PDF) (66-18758). 18 de xullo de 1966: 3. Consultado o 24 de marzo de 2020.
↑ Claude Lafleur (2010). "Gemini VIII" (en inglés). Consultado o 2 de marzo de 2013.
↑ Gunter Dirk Krebs (2011). Gunter's Space Page, ed. "Gemini 2, 3, 4, 5, 6, 7, 8, 9, 10, 11, 12" (en inglés). Consultado o 2 de marzo de 2013.
↑ ^6,0 ^6,1 ^6,2 ^6,3 ^6,4 ^6,5 ^6,6 Mark Wade (2011). "Gemini 8" (en inglés). Consultado o 2 de marzo de 2013.

Véxase tamén

Outros artigos

[n2yo-1] 1,0 ^1,1 ^1,2 N2YO (2011). Real Time Satellite Tracking, ed. "Gemini 8" (en inglés). Consultado o 2 de marzo de 2013.

[NSSDC-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 NASA (14 de maio de 2012). "Gemini 8" (en inglés). Consultado o 2 de marzo de 2013.

[UNOOSA-3] "Letter dated 17 June 1966 from the Permanent Representative of the United States of America addressed to the Secretary-General" (PDF) (66-18758). 18 de xullo de 1966: 3. Consultado o 24 de marzo de 2020.

[claude-4] Claude Lafleur (2010). "Gemini VIII" (en inglés). Consultado o 2 de marzo de 2013.

[gunter-5] Gunter Dirk Krebs (2011). Gunter's Space Page, ed. "Gemini 2, 3, 4, 5, 6, 7, 8, 9, 10, 11, 12" (en inglés). Consultado o 2 de marzo de 2013.

[astronautix-6] 6,0 ^6,1 ^6,2 ^6,3 ^6,4 ^6,5 ^6,6 Mark Wade (2011). "Gemini 8" (en inglés). Consultado o 2 de marzo de 2013.

[1]

[2]

[3]

[4]

[5]

[6]